tabulas.com

kikomontesena

*Yangkaw

Ni Kiko Monteseña, 4/13/09

Maaaring sinadyang hindi pansinin ang lahat. Nalimutang kabahagi ang dati, isang pagpapanggap. Sa yangyang ng pasabi ay may init na dumadaiti, isang pagbibilad ng mga dapat mangyari.

Madalas ganito tayo kapag nasusukol, pinipilit na lakdangan ang mga dapat harapin. Kung ganoon ay paano mabubuo ang kompesyonaryong magbubuo sa ating mga bulong at pagtatapat? Hindi natin mapupurga ang mga hindi at bawal. At sa ating pagitan doon matutuklasang may bagong altar ng papuri. Hindi para sa isa’t isa, hindi para sa mga nagdaraang saglit, wala sa mga binubuong anyo ng pagasa, wala sa mga nahahagilap ng mata.

May altar na di nakalilinis sa ating mga sarili, dahil natutuhan nating laging tumingala sa halip na yumukod. Kaya marahil hindi natin nakikilala ng lubos kung sino ang sa atin ay nagbebendisyon. Kung sino talaga ang pinatutungkulan ng ating pagsamo. May kurtinang nagsasara sa pagitan ng kumpisal at pataw na panalangin – sampung Ama Namin, tatlong Aba Ginoong Marya, isang Luwalhati sa Ama at sa Anak at sa Espiritu Santo.

Wari’y hinahatulan ang bigat ng sala sa dami at pag-uulit. Tapat daw itong pagbubukas ng sarili sa tumpak. Sa katotohana’y hindi pa rin nito nahuhuli ang salimuot na ating nalilikha. Salat sa mayamang bukal ng pagpapatawad ang hindi paghingi ng lunas, nang hindi paninikluhod ng tapat

Mortal tayong lagi at laging lumilihis ang pananaw, nagbibitaw ng salitang hindi inaaral. Ngunit isa lamang itong dahilan, isang pagtatakip na bawat yangkaw nating kinaliligtaan ay pagsasausok sa maaaring mabuo sa ating pagitan – pagsisinungaling o katotohanan.

*laktaw, lakdaw

kikomontesena

Acquitted si Daniel Smith at wala na raw siya sa loob ng bansa. Hayyyyyyyy eto ang resulta ng ginawa ni Nicole. Siguro panay ang ngisi ng mga sundalong amerikano ngayon. Siguro panay ang iling ng abogado ni Nicole, siguro ganyan talaga, na nababayaran ang lahat, pati ang kahihiyan.

Si Palparan sa kongreso...ano ito? at kailangan ba ng kongreso ng berdugo sa kanilang hanay? Oh no no!

--------------------

Bukas na ito:

Pinoypoets, in partnership with Anvil Publishing House and Powerbooks, presents
"Desire and Doom in Philippine Gay Poetry," a lecture by gay rights activist and
poet Danton Remoto. This lecture is free and open to the public and will be held
on April 25, 2009, 2PM at Powerbooks Megamall. This event is the second of a
series of 5 lectures in celebration of Pinoypoets' 5th Anniversary.

For further inquiries, mail mail@..., or contact Rhodge at
09238096002 or Xam at 09166390640 or 0929785327.
-----------------------

hindi na aabot ang kwento ko for Palanca, kaya nagdesisyon akong wag na lang madaliin ang kwento at di na isali sa contest. Hindi rin ako nagsubmit ng anumang entry sa lahat ng workshop ngayong taon. Kailangang unahin muna ang trabaho.