tabulas.com

kikomontesena

Haplos

Magaang ang kamay mong humahagod sa buhok ng katabi. Habang nakaratay siya’t umuusal ng mga tagabulin. Sa wari’y nakagagaan ng loob niya ang marahang pagdampi ng palad sa ulo, umaalo sa napipintong paglisan. Paano pawawalan ang usbong na bahala? Tumindig ka palapit sa bintana at naiwan ang kaniyang katawang kanina lamang ay nilalambing. Nagsasatubig ang oras, at hindi mo mapigil sa palad ang agos. Ngunit ito ay isang paglalanggas, paghuhugas sa sakit bago bitawan ang totoo, ang tamang iniaakma sa ngayon. Ipininid na niya ang kaniyang mga mata habang mulagat ka namang nagpapasya – pakakawalan ba kita? Wari’y nananalangin ang tahimik na paligid, taimtim. Natuklap na ang langib ng sugatang pananalig, harinawa’y kilikin siya ng aking pag-ibig sa piling ng hangad na payapa. Mula doon ay nakita mo ang sumisilip na liwanag, habang nagsisimulang mamuo sa mata ang lumbay. Aywan kung bakit kahit anong haba ng pinagsamahan, nauuwi din sa paglisan. May mas nauunang isa saka nabubuo ang sagwil sa pangako. Marahil sasabihing masaya nga at muli tayong magiging malaya. Maaari, ngunit higit na nakapangyayari ang sakit sa naiiwan. Nagsasapaslit tayong humihingi ng init ng dibdib, upang muli’t muli ay maging banayad ang hinihintay na pagdatal ng nakagawiang haplos. 

 2/4/09

First

Ni Francisco Montesena, 6/19/06

 Bakit may mga taong naniniwala

sa first love, first sight, first kiss

at kung anu-ano pang first?

Wala naman sigurong masama

kung ang minahal mo at nagmahal sa iyo

ay pangalawa  o pang-sampu. Silang mga nagdaan

at naglaan ng pag-ibig sa isang payak na tulad mo.

Isa na rin namang malaking kayamanan

kung manalo ka ng second  o third prize sa lotto di ba?

O pasahan ng iyong mayamang pinsan

ng pinagsawaan niya ngunit signature na lonta.

Ganyan din naman sa pag-ibig. Hindi mo na susuriin

kung ikaw ang una o naka-una

basta nakajackpot ka kung sagutin ka niya.

Eh! usong-uso nga ngayon ang ukay-ukay;

Pagpapatunay na , second hand man, o third o fourth hand,

may mapipili ka pa ring mapapakinabangan mo

sa mahabang panahon. At kung sawa ka na,

hindi ka manghihinayang na itapon.

Kung sinusuwerte nga, kahit sa ukay,

may mapipili ka pang brand new at may tag price.

Madalas, hindi ka na rin mag-iisip kung maydala bang sakit,

kesehodang may meningo pa ang ukay-ukay mong napili.

Pareho rin yan sa pag-ibig,

kahit saan pang pusali ang napili mong kasamahin,

may espasyo pa rin sa pagbabago.

Aba! pareko, marami yata akong kilalang sinuwerte

sa pag-aasawa kahit pa sa beerhouse lang nila nakilala.

Ang iba ay nagulat nang sa una nilang pagsiping,

sila pa rin pala ang nakauna.

Yan ang totoong jackpot.

kikomontesena

Ang Nasa Puso
Ni Francisco Arias Montesena


Nasa tibok ang pagmamay-ari ng loob.
Na para bang ang mga pintig
ang humuhugpong sa ating mga sarili;
ang gumagapos sa ating mga puso.
Di man sadya, ito ang badya
ng pagpapasakop, ng pagpapakubkob.
Kaya tayo madalas nasasaktan.
Inaari nating atin, inaangkin
ang bawat itinuturo ng puso: Akin siya!
Ako ay kaniya! Kaya naman
madalas tayong nabubulabog
ng sariling pagtuturing
sa kung ano ang tama, sa kung ano ang nariyan,
sa kung ano ang katotohanan.
Kaya haplos ang sakal, lambing ang pisil,
bulong ang sigaw. Pinananatili natin
ang tali ng pagpapanggap:
may pait na ubod ng tamis.
Walang maaaring magtanong
kung bakit natin ito ginagawa.
Iyan ang tunay na dikta ng puso,
tahimik na pagtatago.

kikomontesena

Pakikiramay sa pamilya ni sir Bob at ma'am Becky Añonuevo sa pagpanaw ng kanilang mahal na ina.

Ang husay ng pelikulang "taken" ni Liam Neeson ng Schindler's List fame. mabilis ang galaw ng mga eksena at hindi mo aakalaing sa katawan ni Neeson ay kaya pala niyang mag-action. Maganda din ang istorya at ang paglutang ng pagmamahal ng ama sa anak na gagawin ang lahat para sa huli. No wonder na naging no 1 nang ipalabas sa mga sinehan. Rekomendado ko ito sa mahilig sa action movies.

Tumawag sa akin si Mr. Jess ng Komisyon sa Wikang Filipino upang ipaalam na bukas na muli ang patimpalak para sa tula. Nasa ibang pangalan na ito dahil yata nagbago na rin sila ng sponsor.

Nagpalagay na ako ng bookshelves sa kwarto ko para maayos na ang mga libro ko, bumili din ako ng dining lamp, style chandelier.

kikomontesena

unang palihan ng mga LIra members para sa  taong ito. Kailangang ikalat sa lahat at nang marami ang makarating.

ito ang buod ng paanyaya mula sa pangulo:

Magkakaroon po tayo ng Members' Workshop sa Pebrero 22, Linggo, 9:00 N.U. sa Room 201 ng CAL New Building, UP Diliman.

Inaasahan po ni sir Rio ang inyong pagdalo at pagpasa ng tula. (Special mention ang mga bagong kasapi at lahat ng probationary members.) Maghanda na lang ng photocopies

Noong huling inuman sa Trellis, nangakong uupo bilang panelist ang mga Seniors tulad ni sir Teo, kaya 'wag kayong mawawala! Sayang ang all-star cast of panelists kung magkakataon, hehe.

Paalala: counted na po ang palihang ito sa bagong accreditation system ng LIRA members (basahin lang po ang nauna kong email). Simula sa buwang ito, binabantayan na po ang dedikasyon ng bawat Kasapi sa pag-unlad ng kanyang sining at pagiging aktibo sa organisasyon.

Kita-kits!

kikomontesena

after kong mapakinggan ito, naawa ako sa lagay ng mga nasa call center na tumatanggap ng almost the same call. Ito po ang link at hear this for yourself at maniniwala kayong may mga tao palang ganito:

http://www.imeem.com/people/fcOnBP7/music/ywiahFm3/citibank_scandal/