tabulas.com

kikomontesena

*Nakatoka akong magbasa ng ika-12 chapter ng Noli sa nov 8 sa Phil heritage Library mga 430 ng hapon.

Nasa baba ang kanilang press release:

MARATHON READING OF NOLI ME TANGERE AT THE FILIPINAS HERITAGE LIBRARY

Join us in an evening of literature, fun, and good food while we do a marathon reading of the Noli Me Tangere (translated by National Artist for Literature, Virgilio S. Almario) on November 8 to 9, 2008 at the Filipinas Heritage Library. Celebrities, well-known artists, authors, students, and other lovers of Filipino literature will be coming to read (and perform) portions of this influential literary piece.

This event is part of the month-long festivities of the 12 th Philippine Book Development Month, which is celebrated every November.

**Nakapagsumite na ako ng entries para sa isang contest, wish me luck

***may bagong addition sa pamilya sa pagdating ni Baby Ryllie Chivas. Ang taba at ang cute ng bata. Nadagdagan na naman ang apo ko sa pamangkin hayyyyyy

****Hindi ako nagandahan sa Body of Lies nila Russel Crowe at Leo di Caprio.

*****Sa Dec 17 ang launching ng ANI 34. Isa lang sa dinami-dami ng tula ko ang napili nila

kikomontesena

Sa Loob ng Kumpisalan

Ni Francisco A. Monteseña  11/05/08

Kung may kailangang isumbong

sa  nasumpungang kumpisalan,

hindi naman marahil ang di sadyang

pagkahanap ng buto sa ilalim ng luhuran.

Kaya doon pumasok ang askal na iyon,

nagsumiksik sa sulok upang pang-itin

ang buto’t magkalaman ang lumalaguklok

na sikmura. Hindi naman kasalanan

kung tumuloy sa pintong laging bukas

at ngumata ng kinasasabikan.

Bawal kayang tumahol sa loob

kung masarap ang nalalasahan?

Siguro ay pawang himutok

ang kinasanayan ng kumpisalan

sa pakikinig sa mga pumapasok

(lahat ay tila salaring humihiling ng patawad.)

Ngunit  tiyak sa bawat bulong at basbas

may mahahanap pa rin tayong rosaryong pigtas

O kaya’y mantsa ng tumulong laway

sa marmol na sahig ng banal na kumpisalan,

katabi ang mga butong takaw-pansin

sa naghahanap at nagugutom na askal.

kikomontesena

Sa salin ni Rio Alma ng Noli, na nagkaroon ng marathon reading noong weekend, mas naappreciate ko ang istorya sa loob ng libro. Noon kasing required itong pag aralan sa high school tila babasahin lamang ito dahil kailangan. SA pakikinig at pagbabasa na rin, mas masarap ngayon ang mga salita, mas madamdamin ang mga tagpo at mas nakakakiliti ang romansa nina Ibarra at Maria Clara.

Tinapik ako sa balikat ni Sir Rio nang malaman niyang magbabasa ako, at nakita ko naman ang tiim ng pakikinig niya sa akin noong toka ko na. Magkakasunod kami nina Lourd de Veyra, Michael coroza at Egay Samar. Nag stay pa ako hanggang 830 ng gabi dahil nalibang ako sa pakikinig. Napakinggan ko earlier sina Tin tin Bersola at Julius Babao sa kabanatang Suyuan Sa Asotea. Medyo nangingilid naman ang luha mata ni Roy Alavarez nang magbasa siya. Nakita ko doon ang ilang miyambro ng LIRA, at paalis na rin ako nang dumating ang grupo ng Pinoypoets.

Sagana naman sa kape at pagkain. Mga 10:30 na ako dumating ng bahay dahil sa ulan.

**nabwisit ako dahil binitin pa ang bagong matatanggal sa Survivor phils, sana si marlon na o si Rob.

*** umpisa na ng Fear Factor mamaya, hala alin kaya ang mas exciting panoorin.

****nagdadalawang isip ako kung magsusubmit ako ng requirments at entry sa isang workshop.

kikomontesena

mula sa inbox ko, an invitation from UP Likhaan-ICW

kikomontesena

for the nth time, nagbabalak na naman akong magresign. Sumusuko na ako sa boss kong unreasonable. Di ko na masakyan mga moods niya. nakaka stress na nga ang mga bwakanginang mga taga BIR na yan, sumasabay pa siya. Saka parang gusto kong magconcentrate sa pagsusulat. Pero ayan parang naririnig kong dinadakdakan na ako ni ermats nang " paano ang mga babayarin mo, ang bahay, ang ilaw at kung anu-ano pa"

nahilingan ako ng ka-lirang si Betty Uy Regala na siyang managing editor ng CCP-Ani to perform sa launch ng libro. Hindi ko mahindian, kaya lang di ko alam kung anong gagawin ko bukod sa straight reading.

ipa-publish daw ng Ateneo-Heights ang tula kong "Kusilba", salamat Brandz sa paanyaya.

binabati ko si ka-lirang Nanoy sa pagla-launch niya ng librong pambata

kikomontesena

nahalungkat ko sa files ng mga tula, di ko na matandaan kung saan at paano nabuo ito.

Igpaw

Dahil

ang lahat

sa paligid

ay palaisipan,

Humakbang ako

sa unang pansukat.

Nakatitig sa numerong

itinalaga.Hinahanap

ang isa sa dalawa.

Kinakalabit ang taling

nag-uugnay

sa dalawa,

isa.

Pigilin ang panlilinlang sa sarili, Saan ito patutungo kundi dito mismo,

Sa kinatatayuan ko; At paimbulog na susuong minsan,

Palagi na lamang magiging palaisipan ang ulan.