tabulas.com

kikomontesena

Iluhan

ni Francisco a. Monteseña, 10/3/08

1

Tila may sangasang

na nagbibigay

sa iyo ng bertud

upang di ka mapagod

sa maya’t mayang

pagurong-sulong.

Hindi mawari

kung sadya kang

gutom at hindi

nabubusog

sa panay-panay

na pagsubo.

Sa batong gulong

sa gitna, ilang daliri

na kaya ang binuntunan

Mo ng sisi

sa di nila inaakalang

hapo na darating

sa iyo. Marahil

ay hindi nila batid

na namimili ka rin

ng kakainin.

Kung pwede lamang

iluwa ang mga tinik

ng pandan

na naisasamang idukdok

sa iyong harapan

at pilit na isinusubo.

2

Nang dumating siya

Nagbago ang lahat.

Tila di ka na nakadama

ng pagod sa maya’t mayang

pagurong-sulong.

Nakapuyod ang kaniyang buhok

at tagaktak ang pawis

sa sal-itang paghawak sa iyo

at sa pagsubo sa pandan.

Sa ilang tulo mula sa kaniyang noo

napapawi ang iyong bagabag.

Hindi ka kaylanman napagod

gumaod-gaod, natatangi

ang kaniyang haplos.

Sinasabayan niya

ng pag-awit bawat pagkilos.

Kaya’t sinong bato

ang di mauupos?

Bigla, gagap na

ng iyong Puso

ang hulagpos ng linyang

pag-urong, pagsulong,

paghatak, pagsubo.

Tila yakap sa iyong katawan

bawat dampi

ng kaniyang palad

sa iyong hawakan.

At sa numininipis

na pandan, kumakapal

ang iyong dahilan

sa pananaginip.

3

Namamangha ka ngayon

sa kakaibang lakas

na kaloob sa bawat

kabig at hatak.

Naroon siya,

nakatitik

sa batong puso

na hindi magawang

magsa-pusong bato.

kikomontesena

Ilang magagandang pelikula ang napanood last weekend:

1 Righteous Kill - ano ba ang aasahan natin sa dalawang senior at magagaling na hollywood stars na sina Al Pacino at Robert de Niro? maganda ang plot ng pelikula at ang twist. Though parang mahuhulaan na ito dahil sa marami nang temang ganito ang napanood ko. pero dahil sa superstars ang bida sa pelikula ay pasable na.

2. the Mirror - nakakakilabot ang paghahanap at pakikipagtunggali sa sariling repleksyon. Mahusay dito si Keifer Sutherland at narito ang lahat ng hinahanap ko sa isang horror movie, di madugo kundi nakakatakot.

3. Eagle eye - isang conspiracy movie about an assasination attemp sa Pres of US. Exciting ang habulan at kakaiba ang istorya.Iba ang karisma dito ni Shia LaBeouf, though cliche na ang istorya ng kambal sa pelikula. At any rate nagustuhan ko pa rin siya.

4. Kulam - ito pa ang pelikulang kambal ang karakter ng pangunahing artista. Magaling ang juday na mangkukulam, though parang ordinaryo na ang plot, it gave me a little scare na rin.

kikomontesena

Ang Lalakeng Iisa ang Bayag

Ni Francis Monteseña, 10/7/08

Tila ka bayakang gumigising kapag tahimik.

Nakatiwarik sa paglalambitin.

At mula sa yungib na madilim

ikinakampay ang mapanghing pakpak

upang lumabas at maghanap ng masisila.

Kasama ka man ng kawan,

iba ang iyong pakiramdam.

Nais mong dumapo sa sanga, magpahingalay

samantalang ipinapagpag ang katawan.

Aakalaing magbabago ang anyo

at bibihisan ng dilim ang dinaramdam.

Magigising kang pawisan,  

dadamhin ang iyong kaibahan.

Maghahanap ng sagot sa ginagagap ng palad.

Laging lumulukso ang tandang pananong

sa dibdib mo at walang nahahagilap na katwiran.

Kaya nga’t madalas mag-inin ka sa higaan.

Ayaw mong bumalikwas, dahilan mo

ay di pa dumidilat ang talukap ng magdamag

at marami pang lihim na ibubulong sa iyo

ang kumot at unan. Bumubulong ka sa kanila

nang bakit ganito? Bakit ganito?

Binubugbog ka ng pagkabulabog

sa maaaring husga ng mga hukom na bibig

kayat walang absolusyon ang takot sa dibdib.

Ang halaga ng iisa o dalawa ay hindi mo masukat

sa tagal ng pagkakahiga sa malambot mong higaan.

Kahit pa namumuo at ibig bumulwak ang katotohanang

wala sa bilang ang taya ng pagkalalake.

kikomontesena

Panelist to the 8th ANWW

Christine Bellen                           Allan Popa

Karina Bolasco                            Danton Remoto

Luna Sicat-Cleto                          Danilo Francisco Reyes 

Jan Mikael Co                              Jun Cruz Reyes 

Michael Coroza                            Rommel Rodriguez

Conchitina Cruz                           Edgar Samar

Noel del Prado                            Benilda Santos

Allan Derain                                 Roland Tolentino

Marjorie Evasco                           Katrina Tuviera

Alwynn Javier                               Lito Zulueta

Susan Lara

kikomontesena

Lumabas na ang literary magazine ng UST Varsitarian na "The Montage." andun ang 2 kong tula in the company of Ophie dimalanta, vim nadera, angelo Suarez, Alfred Yuson, at iba pa at di ako nabigyan ng kopya. Ang sabi ay ipadadala na lamang ang complimentary copy ko by courier. Eto ang link, sana ay mabisita nyo:

http://www.montagemagazine.net/dalawamput-apat

http://www.montagemagazine.net/disyerto

kikomontesena

Ungkatin natin ang pinakaunang mithiin sa MDG( Mithiing Pangkaunlaran ng Milenyo), halos magiisang dekada na itong nalagdaan ngunit umangat na ba o kung hindi man ay may iniangat ba ang pamumuhay nating lahat?

Ang sabi:

Ang mga Mithiing Pangkaunlaran ng Milenyo (MDG) ay nalinang sa mga walong yugto ng Deklarasyong Milenyo ng mga Nagkakaisang Bansa, na nilagdaan noong Setyembre 2000. Isinali sa mga walong mithiin at mga 21 adhikain ang:

1. Sugpuin ang matinding kahirapan at kagutuman
   • Ipangalahati, sa pagitan ng 1990 at 2015, ang proporsyon ng tao na ang kanilang kita ay mas mababa sa isang dolyar sa isang araw
   • Magsagawa ng buo at kapaki-pakinabang na empleyo at disenteng hanapbuhay para sa lahat, kabilang ang mga babae at mga bata
   • Ipangalahati, sa pagitan ng 1990 at 2015, ang proporsyon ng taong nagugutom

Nagugutom pa rin ang marami at mas lumawak pa yata at lumaki ang proporsyon nito sa ngayon. Nakakapanlumong puro lamang sa sulat, dokumento at dakdak ang nangyayari.

Hindi tayo dapat umasa sa pangako ng gobyerno lamang, umaksyon tayo at huwag pabiktima sa ganitong sakit. Ngunit paano? unang hakbang ay isaisip na may magagawa pa tayo, magsikap, magtyaga, umaksyon, magtrabaho, huwag maging batugan at palaasa sa iba.

Kaugnay nito, sa ibaba ang isa kong tulang nalikha na ang tema ay kagutuman:

Hapula at Kabasi

Ni Francis Montesena  12/19/05

Ang mga ulam ng kahirapang

kinalakhan sa dulang ni Inang.

Ito lamang ang katumbas

ng uwing salapi ni Tatang.

At ang alat na lumalangoy sa bibig,

hindi kayang  iluwa – lasang pantighaw.

Dinadaan sa laki ng subong kanin

upang agad na mabusog sa pagkain.

Kung pati kanin ay kulang,

sisimutin ang palayok hanggang

pati tutong ay pagsaluhan.

Habang itinatago ni Ditse

sa ilalim ng kanyang kahating

kanin ang maalat na ulam, baka maagawan.

Nagkukumahog sa pagsubo si Ingkong

habang pumapalakat si Bunso

Noon ko napansing nasa sulok si Nanang at Tatang.

Nakatitig sa aming magkakapatid,

tahimik habang luha ang iniuulam.

** Ang Hapula ay isang uri ng alamang o bagoong na mapula ang kulay at pinong pino. Ang Kabasi ay kapamilya ng tuyo, sapsap na natutunaw habang isinasawsaw sa suka.

kikomontesena

Ang sabi ng Ateneo Institute of Literary Arts and Practices, (AILAP), ang batch daw namin ang pinaka-intellect at pinaka-mature. Marami ang magtataas ng kilay dito alam ko, pero sinabi nila ito, particularly ng AILAP director na si Ms. Christine Bellen.

Hindi ko maihuhulma ang isang linggong pagiging atenista sa dami ng nangyari sa loob ng Ateneo Campus. Mula sa alagang-alaga kami sa pagkain at unang gumamit ng bagong dorm hanggang sa pagdagsa ng maraming invited panelist. Ang pinakamalapit sa akin ay si Amang, “the” Jun Cruz Reyes. Napakababa ng loob nito at laging handang tumulong sa mga baguhang manunulat. Andoon pa rin sa pakiramdam ko ang takot dahil hindi ako taga UP or Ateneo. At talaga namang tumugma sa takot ko ang pagtatanong ng isang panelist na nakatabi ko sa mesa, aniya “ So UP or Ateneo?” sagot ko ng malakas “ UE po.”  At nadama ko sa reaksyon niyang “ah ok!” na parang may nadama akong kaunting pagkairita. Kaya nga noong fellows night, inukilkil ko talaga  na taga-UE ako at gusto ko lamang magsulat. Dinaan ko sa performance ang nais kong sabihin sa tulang " Gusto Kong Magsulat" na umani naman ng malakas ng palakpak at sigawan.

Lahat sila ang tawag sa akin ay kuya Kiko o kaya ay Sir Kiko. Nakakatuwa ang mga taga ateneo, fellow man o taga-ugnay dahil napakababa ng loob nila.

mula sa kamera ni Randel,

mula sa www.ailap.org

kikomontesena

Ako Si Kiko, At Gusto Kong Magsulat

( 8^th ANWW, fellows night, 10-24-08)

Yakapin ang lawak ng Ateneo

Sa maluwag nitong pagtanggap,

Salamat AILAP

Sa komedya ni Yol,

Sa asiste ni Mich,

Sa mga candies at kropek ni April,

Sa honorarium ni Jema,

Sa kababaang loob ni Christine at Egay,

Sa mga klik ni Joseph,

Sa mga pagsilip ni Mai,

Sa obserbasyon ni Dee.

Ako si Kiko at gusto kong magsulat.

Lagpasan ang hangganan ng pagkilala sa katayuan,

Sa sagot sa tanong na “ So UP or Ateneo?”

UE po at gusto ko lamang magsulat.

Gusto kong magsulat taglay:

Ang tikas ng isang Jun Cruz Reyes, na tila

balon ang damdamin sa pagbukal ng mga salita

Ang gayuma ng dila ni Mikael,

Ang aliwalas ng mukha ni Benilda,

Ang mga mata sa detalye ni Marjorie,

Ang kapit sa lenggwahe ni Susan,

Ang pilosopiya ni Popa,

Ang charm ni Danton,

Ang lambing ni Conchitina,

Ang tinig ni Alwynn.

Ang liwanag ni Luna,

Ang tatag ni Coroza,

Ang siste ni Omeng,

Ang talim ni Roland,

Ang hangarin ni  Katrina,

Ang sentimyento ni Zulueta,

Ang paraan ni Karina,

Ang mga diin ni Derain.

Ako po si Kiko at gusto kong magsulat.

Ihalo sa aking mga tula ang emosyon ni Brandz,

Makipaglaro kay Obunaga ni Randel,

Makipagsaksakan sa mga tauhan ni Boni,

Makitikim sa magnified longganisa ng lola ni G Mae,

Maki-pluck sa kaliskis ng sirena ni Krizza,

Makipanood ng dvd ng Fight Club kasama ang mga tsimay ni Wy,

Magsa-Pidong sa OT ni Philip,

Gastusin ang mga dolyares ni Temboy ni Ana,

Makapanood ng Pussy show sa Bangkok kasama ni Mo,

Malunod sa ilog ng Europa ni Arlynn,

Mag-ulat ng panahong payapa kasam si Mika.

Ako po si Kiko at gusto kong magsulat,

Umikot sa orbeng kasama kayong lahat.

Ako po si Kiko, at minsan,

Ipakikilala ako ng aking mga isusulat.

kikomontesena

from my inbox, galing sa CCP

Dear authors,

Congratulations! Your works have been chosen for the Ani anthology (issue 34) themed 'Spirituality and Healing'. The launch date is tentatively set on December 17, Wednesday, in CCP. We will email you updates on the launch details.  

Attached is the MSExcel file. (1) Kindly double check the listed names, and provide me your complete names for the issuance of cheque. (2) For authors with 'email' marked on the Tax Identification Number (TIN) field, please email me your TIN. CCP's Accounting Department requires complete names and TIN to process cheque payments.

Hope to receive your emails soonest. Thank you.

Betty Uy-Regala

Managing Editor

Ani 34