tabulas.com

Pinanood ko ang mga animated movies na:
1. Happy Feet, may social relevance ang movie at ang ganda ng mga musical scoring.

2. Barnyard: maganda din ang concept at nakakatuwa ang mga hayop.

3. Flushed Away: dito ako nakarelate, kasi tungkol ito sa pagiging loner ng isang daga na nakatagpo ng isang bagong mundo at minarapat na ipagpalit ang lahat ng mayroon siya para maging masaya. Ngayon nasa stage pa rin ako na ramdam ko pang masaya sa pag-iisa.

I attended the "fellows' night" for this years LIRA workshoppers. Congrats sa kanilang lahat sa paghahanda sa programa. It went well. Ang nakakakaba ay ang deliberation na nangyari sa amin after the show para sa mga lulusot for this batch.

Last year ay pito lamang kaming nakalusot out of more than 20 hopefuls, ngayon ay mas marami sila

Congrats sa lahat ng mga nakalusot na di ko muna ipi-preempt hanggat wala ang official announcement

Damn this cough and trangkaso, pabalik balik. Nagtatampo siguro si Xam at binibiro na naman ako na di ako makaattend ng PP Xmas party dahil dito! Gusto ko naman talaga pero uunahin ko muna health ko, nagdurugo na rin kasi lalamunan ko kauubo. Umiinom lang ako ng over the counter capsules to ease the kati pero hihinay lang ng konti ayan na naman. Di nga ako nakatulog kagabi. Gusto ko rin sanang pumunta kila Tata at sa Writer's night pero paano ba ito?

One week na lang at pasko na at ni di pa ako nakakapamili ng mga regalo, siguro icacash ko na lang. Ang gusto ko sana yung sa mga kapatid ko ay bigyan ng gifts at lagyan ng mga excerpts sa mga tula ko para may personal na hagod.

Nakiramay ako noong sabado sa anak ni sir Vim Nadera at ang cute noong bata kahit nasa ataul na. Nagbasa rin ng tula at umuwi na rin around 800 pm.

Maaayos din siguro ang mga nangyayari sa kinaaaniban kong yahoo poetry group kapag nagkausap ng personal, kapag kaibigan kahit di madalas magkita, kaibigan pa rin kaya sa mga nag-iisip na parang nawalan sila ng kaibigan dahil sa dalang ng di pagkikita, nagkakamali kayo. Andito lang ako lagi


Meri Xmas! sa mga dating kaibigan, bagong kaibigan at sa mga darating pa

Nabalitaan ko mula kay Tata Raul funilas na inilagay pala ni sir Vim sa isang tarpauline ang tula kong " Ang Awit Ko'y Oyayi" at bumubulaga sa lahat ng nakipaglamay. At kagabi daw ay muling itinula ni sir Vim Nadera, marami daw ang nangilid ang luha. Ang tulang yun ay tuluy-tuloy ko lang na nagawa t di pa edited pero naappreciate naman nila, salamat, para iyon sa namatay, para sa bata, para sa anghel.


Ang Awit Ko'y Oyayi
Ni Francisco Montesena, 12/14/06

"ang gabi'y payapa
lahat ay tahimik,
pati mga tala,
sa bughaw na langit"
---Donna Cruz

May bulong ang anghel ng siya ay dumaan.

"Araw-gabi ang oyayi ko'y sa iyo ilalaan.
Damhin, pakinggan, dinggin, at iduduyan.
Huwag mong pabaunan ng luha ang paglisan
Oyayi ko ang sa iyo'y magpapatahan.
Sakaling di marinig ang himig,
at di dalawin ng pahinga ang pagkapagal,
sakaling ayaw tulutang paglaruan ng tinig
ang sidhi ng lungkot,
sakaling ang lahat ay pinananagot
sa di itinakdang bangungot,
pahintulutang pumuslit ang pilit kong tinig,
at hahaplusin kita, patutulugin, pakakalmahin.
Hayaan mong ipatangay sa aking awit
ang anumang dumadalisdis na hinagpis.
Dahil ngayon, ngayon ko sinasabing
kasama ko Siya paakyat, at sa luwalhati'y
isisiwalat ang pinabaon mong pagmamahal.
May ginhawa sa payapang paglayo
At sa tagpuan ng lahat ng pagtatanong
muli akong may ibubulong.
Panibagong oyayi, susulsi
sa pira-piraso mong agam-agam,
at kapag napagtagni ang ating bawat pagitan,
madidinig mo ang lamyos, ang haplos,
ang pag-ibig kong lubos.
Ako ang Oyayi,
Ako ang Awit.

this xmas was the happiest. I have been very generous, sa family party namin ay nagulat sila dahil nawala ang kakuriputan ko hehehhehee. I also got superb gifts from my sisters: one original seiko five direct from duty free, a playboy cologne, an I-pod, jewelry boxes, chinese calendar, shirts, pants kaya napakahappy talaga.