tabulas.com

Poetry:
Ilang ulit kong tinangkang tumalikod, hindi ko magawa, di ko talaga magawa. Ganoon yata ako pag may tampo gusto tumakas sa lahat. Nakalimutan ko nagagamot lahat ng oras. May mga nasagap ako muling good news sa status ng binabalak kong book kaya eto balik sa normal ang mood ko.

Personal:
Medyo may tampuhan kami ng younger sister ko dahil sa ang sentro ay ang anak niya na anak ko na rin. Mahal na mahal ko ang bata dahil iniwan siya sa kin ng sister ko ng halos apat na taon, kami ng nanay ko ang nag-alaga tapos nang medyo stable na siya at ang pamilya niya kinuha niya ang bata na hindi kami inihanda sa aming mararamdaman. Nangyari na ito matagal na dahil 10 years old na ang bata ngayon. Ngunit tila ngayon lamang nabubuksan sa pagitan namin ang samaan ng loob. Maayos naman kaming nakapagpaliwanagan sa text at naiintindihan niya ako. Ang medyo may rift lang ay sa pagitan namin ng bayaw ko at naiipit ang sister ko. Ang hirap kasi talaga ng walang sariling pamilya. Mahal na mahal ko pa naman ang pamangkin ko dahil hawig na hawig sa akin ang bata, matalino at laging nag-eexcel sa school kahit singing contest, spelling contest, sa mga test laging nasa top 5. Parang nagmana talaga sa akin. At tuwing dumadalaw sila sa bahay ko , damang dama ko na nasasabik din siya sa amin ng nanay ko, natutulog na katabi ko o ng nanay ko.

Movies/ Hobbies:
Nakabili ako kay Sir Edgar Samar ng Season 3 ng Smallville, (tapos ko na ang Season 4 & 5) at ang paborito kong si Dakota Fanning sa series na Taken. Tapos ko na ang Supernatural series at di ko nagustuhan ang season finale. Dalawang episodes pa lang ng Ghost Whisperer ang nasimulan ko. May nabili akong asian movies na R rated, na ang mga stars ay pamilyar na mukha sa mga soap operas na napapanood ko sa GMA or ABS. Nagulat ako dahil bold ang mga eksena pero natuwa din naman dahil it was a feast to the eyes. Nakasisingit pa rin akong manood sa mga movie house, recently nga lang ay pinanood ko ang The Departed at ang galing-galing doon ni Jack Nicholson. At ang ganda ng story.

Poetry:

May mga messages akong narecieved sa YM mula sa isang ayaw magpakilala na may yahoo id na wind_chromes. Sabi niya yung huli kong tula na " Toryador" ay kaparehas daw ng isang tula ni Alan Popa. Di ko alam kung matutuwa akong naiwangis ang likha ko kay Popa o maiinis dahil tila may insinuation na kinopya ko ang tula. Hinanap ko ang tula ni Popa at magkaiba naman ang words at atake. Siguro sa estilo at ipinaliwanag ko sa kaniya na marahil ay nagkaroon ng impluwensya sa akin si Popa dahil katatapos ko lang basahin ang mga libro niya. Hindi na ako nakipagtalo sa kaniya at sinabi na lamang na mag-iingat ako sa mga future poems ko. Dito muli, naisip ko ang palitan ng diskurso sa Pinoypoets tungkol sa tema ng tula bilang isang unibersal na bagay. Nadiscuss din ito sa LIRA workshop noong Sunday at ang magiging labanan na lamang kung di maiwasang magkatulad ang tema ay sa paraan ng paglalahad at salita. Sabi nga ni Ergoe "pagandahan" na lamang. Hindi ko ugaling mangopya, galit nga ako at nagdamdam sa isang kilalang manunulat dahil sa pagkakaalam ko kami lamang sa angkan namin ang gumagamit ng salitang napanalunan niya sa Palanca. Kahit mga pinsan ko di gumagamit noon kaya ang paniniyak ko, nabasa nito ang isang kwento kong dadaanin at ginawan niya ng dula at inaring kaniya. Di ko alam kong plagiarism ito o ano, subalit napagtanto ko talaga na walang iisang pag-aaring masosolo ng lahat lalo na ng Makata. Siguro nasa pag-iingat na lamang ng pangalan.

Personal:

Umuwi muli ang mga kapatid ko at nanay ko sa probinsya last Saturday, as usual nagpaiwan na naman ako at mag-isa lang sa bahay na nagmukmok kapiling ang sandamakmak na DVD's. Ewan ko ba, bakit ayaw kong makisalamuha sa kanila sa napkaraming pagbabalik na dumaan at dumadaan.

Hobbies:

Pinanood ko ang The Guardian. Kahit halos nahulaan ko ang ending, nagustuhan ko pa rin siya. Napnood ko ang The Covenant, typical horror movie just like The Breed. Lately pulos x-rated movies ang pinanood ko, yung Barely Legal series bwehehehehhehee.

Sa Bawat Panahon
Ni Francis Monteseña 10/20/06


Kung sa bawat taglamig
ay agad kang humahalukipkip sa unan
at namamaluktot sa ilalim ng makapal na kumot,
Hindi na ako magtatanong kung bakit
hindi ang aking mga bisig
ang agad mong ginagagap; kung bakit
hindi ang init ng aking katawan
ang iyong hinahanap.

Kung sa bawat taglagas,
ang nakikita mo lamang
ay ang mga dahong nalalaglag
at hindi ang mga naiwan sa tangkay,
Hindi ako magtataka kung bakit
nasanay ka nang lumisan,
bumalik at muling lumisan
na di nagtanong kaylanman
kung ano ang nangyari
sa iyong mga naiwan.

Malaon nang lumipas sa iyo ang tag-init.

Para sa aking naghihintay ng kaganapan
sa pagtatagpo ng mga panahon,
hindi pa rin nagagawang gumising sa pangangarap
na muli akong gigisingin ng dating ikaw.
Taglay ang tag-ulan sa luha ng ligaya,
at ang tagsibol sa singaw ng pag-asa.

Sasalubong ako at pasasaklolo
sa agos ng paghihintay,
hanggang magsanib muli tayo
kahit sa libingan ng basag na araw.

Poetry:

nag leave of absence muna ako sa PP para iwas komplikasyon. nagkakapikunan kasi kami ng moderator dahil di ako umaattend ng mga GA's. Kaya ayun, sa inis ko noong isang araw, click agad ako sa leave group button. Pero babalik din ako, di ko naman matitiis ang grupong nagbigay ng daan sakin para makita ang talento ko sa pagsulat

Personal:

Nagbday ang Ate Miriam ko at napakasaya ng nangyari, May DI na dinala ang Ate Vicky ko at hayun pinasara ang isang restaurant sa Antipolo at nagsawa ang mga babae sa ballroom dancing at ang mga lalake sa alak at videoke. May hang-over pa ako hanggang ngayon

Movies:

Pinanood ko ang Giridon Gang starring "the Rock". At maganda ang istorya. nagustuhan ko siya. Pinagpatuloy ko ang ilang episode ng " Ghost Whisperer".

Nakakalungkot na umalis na ang peborit kong pmangkin for Atlanta USA. 3 years ang contract niya doon, ang tagal na di kami magkikita. Inihatid namin siya sa agency at sana sa airport pero ayaw magpaahtid ng binata. Noong yakapin ko siya parang umiiwas siya ng tingin sa kin at nangingilid ang luha. Ako rin para akong maiiyak. bukod kasi sa peborit ko siya, parang isa din siya sa iilang nakakaintindi sa mood swings ko at itinuturing kong kaibigan. Sana di ka mahomesick doon Ian para matupad mo ang mga pangarap mo!

Birthday ng anak ko ngayon, 10 years old na siya at lumalaking kamukha ko at matalino.

Nakachat ko kahapon ang peborit kong pamangkin na si Ian. Nasa San Francisco na siya for a stop-over at bound to Atlanta ngayong araw na ito.

Isinama ako ng boss ko sa law office to file a case against somebody. Ganoon pala ang sistema.

Hayyy, matatapos na naman ang araw na ito nang wala sa ayos ang lahat. pasensya sa mga nasaktan ko

I will try na lunurin na lang sa dvd ang lahat.

Poetry:


Nasa current issue ng Philippine Graphics ang tula kong "Ang Pulitiko". Salamat kay Sonny Sendon sa maagap na pagtext sa akin noong Sat ng gabi kaya nakabili agad ako ng kopya kinabukasan sa UP shopping center noong umattend ako ng LIRA.

Personal:

Wala namang masyadong nangyari nitong nagdaang week, Hinihintay muli namin ang text o tawag ng pamangkin ko pero siguro nag-oorientation na siya sa trabaho sa Florida. At masarap matulog dahil malamig dahil sa bagyong Paeng. Kaya lang isang araw lang ang bakasyon at kailangang pumasok sa office.

Movies:

Pinanood ko ang dalawang comedy films "RV" with Robin Williams
at "Benchwarmers".

Just received this email from Likhaan:



We are happy to inform you that your submission to the maiden issue of the The Likhaan Journal of Philippine Literature has been accepted for publication.

This is no mean feat. The response to our call for manuscripts was simply phenomenal, and our readers had a very difficult time making their final selections.

The Likhaan Journal is due to be launched early next year. Needless to say we shall keep you posted on this and other related matters (honoraria, free copies, etc.)

Congratulations, and all the best on your writing!

Yours,

The Editors